Ni all pwdryn gychwyn gwaith, heb orffwys gynta'n berffaith.” 
|
Cerddi - Rwy'n cyfansoddi cerddi ar gynghanedd, yn rhydd ac mewn amrywiaeth o fesurau, o'r rhupunt i rap. Rwy'n cyhoeddi fy ngherddi ar fy nghyfrif Twitter, mewn cylchgronau ac mewn llyfrau, yn bennaf. Gobeithiaf allu rhannu mwy o gerddi gyda chi ar y wefan hon, maes o law.
Gweithdai - Gallaf gynnig gweithdai barddoni ac ysgrifennu creadigol i bobol o bob oedran, o blant meithrin i bensiynwyr. Mae'r pwyslais ar fwynhau drwy greadigrwydd a hefyd ar ennyn hyder drwy berfformio. Podlediad Clera - O fis i fis rwyf fi a'r Prif Lenor Eurig Salisbury yn cynhyrchu a chyflwyno Podlediad Clera - llwyfan misol yng nghwmni ein Posfeistr, Gruffudd Antur, a gwesteion amrywiol i drafod pob math o agweddau ar farddoni gan gynnwys cerdd newydd gan fardd gwahanol bob tro. Talyrna ac Ymrysona - Rwy'n aelod o dim Tir Iarll ar raglen Talwrn y beirdd, BBC Radio Cymru ac yn ymrysona ers 2004 gyda thîm ymryson Y Deheubarth yn yr Eisteddfod Genedlaethol. Comisiynu - Cysylltwch er mwyn comisiynu cerdd at unrhyw achlysur. Trafodwn y telerau a manylion gwrthrych y gerdd ar ebost. |
Ambell Gerdd...
'Gweld y Gorwel', o'r dilyniant 'Cadwyn y Colli Nabod' ('O Annwn i Geltia', Cyhoeddiadau Barddas, 2012)
Isod mae cerdd gaeth o'm heiddo sydd ar faes llafur y cwrs TGAU Llenyddiaeth Gymraeg. Mae'n fraint fod disgyblion mewn ysgolion yng Nghymru yn dod ar draws fy ngwaith ac rwyf wedi ymweld â sawl ysgol ledled y wlad, yn ddosbarthiadau blwyddyn 9, 10 ac 11, i drin a thrafod y gerdd.
Isod mae cerdd gaeth o'm heiddo sydd ar faes llafur y cwrs TGAU Llenyddiaeth Gymraeg. Mae'n fraint fod disgyblion mewn ysgolion yng Nghymru yn dod ar draws fy ngwaith ac rwyf wedi ymweld â sawl ysgol ledled y wlad, yn ddosbarthiadau blwyddyn 9, 10 ac 11, i drin a thrafod y gerdd.
Cerddi Bardd y Mis Radio Cymru
Bûm yn ddigon ffodus i gael bod yn Fardd y Mis Radio Cymru, sef cynllun arloesol ein Gorsaf Radio Genedlaethol i wahodd bardd gwahanol i fod yn fardd llys yr orsaf dros gyfnod o fis gan allu cyfrannu at amrywiol raglenni a chanu am bob math o bynciau.
Dyma linc i'r cerddi a'r sgyrsiau a gafwyd ym mis Mehefin 2019 a minnau'n dal i fyw yn Llydaw ar y pryd:
https://www.bbc.co.uk/programmes/p07c83bj
Bardd y Mis, Hydref, 2015
Y tro blaenorol y ces fod yn Fardd y Mis, Radio Cymru, roedd cryn dipyn o gynnwrf yn y byd chwaraeon yng Nghymru ar y pryd. O Gymru'n sicrhau ei lle yn nhwrnament bêl-droed yr Ewros i Hanner Marathon Caerdydd a Chwpan Rygbi'r Byd yn digwydd. Roedd hi'n anorfod felly fod sawl cerdd yn mynd i'r cyfeiriad yna.
Dyma gynnyrch y cyfnod hwnnw:
https://www.bbc.co.uk/programmes/articles/2qL7JZqvcdbwFmSFMRGLWvp/aneirin-karadog-bardd-hydref-2015
Pastwn Rap:
Defnydd anhraddodiadol o'r hen grefft Gymraeg a gollwyd, sef pastynu.
Defnydd anhraddodiadol o'r hen grefft Gymraeg a gollwyd, sef pastynu.
Cysylltwch / Kasit ur Gerig / Get In Touch
Gallwch gysylltu drwy glicio isod.
Kasit ur gerig dre glika dindan.
Get in touch by clicking below.
Kasit ur gerig dre glika dindan.
Get in touch by clicking below.
